Casnik cesćej rozpšawijo wót rolnikarstwa a wót rostlinow, kótarež su typiske za naš region. A jadna taka rostlina, kótaraž płaśi ako symbol za Dolnu Łužycu, jo lan.

Ale źo jo wón namakaś? Wót źo maju wšykne te lanowe młyny swój lan? Zwětsěgo nic z Europy, gronje insiderje. A wósebnje pla bio-lana su te njewěstosći jogo kubłanja wjelike. Tak až naše bury zwětšego njekśě dalšne njeraźone žni riskěrowaś. Ale pla importěrowanego lana, ako njejo z Europy, jo wjelike pšašanje, lěc wótpowědujo našym pominanjam za bio-produkty. A teke daloki transport njejo ekologiski.

Pśed lětami su se dla togo někotare wót našych burow na ten lan dali. Wót Meldojc burow z Bobowa smy w Casniku pśed dwěma lětoma rozpšawili. Zachopili z lanom su južo w casu pśewrośenja. A towaristwo za pśedawanje błośańskich produktow jo pśed styri lětami wjelgin bubnowało a wabiło, aby dalšne k tomu pśišli. Něnt jo kśěł Casnik wěźeś, co jo z togo nastało a jo se wudał na drogu k buram.