Lube źiśi,
gano jo se wuderił wulkan we kraju Guatemala a na kupje Bali (słuša Indoneziskej). Wobej městnje stej na Pacifiskem wognjowem rinku (Feuerring), źož wjele wulkanow jo. Gaž taki wulkan se wuderijo, jo to tšašne – a teke zajmny fenomen, gaž magma we dłymšej zemskej škórje a we zwjerchnem zemskem płašću stupa na zemski pówjerch. Gaž wulkan se wulejo, wuplunjo wjele lawy (zeškrěte kamjenje), popjeła a dym. Młogi raz jo ten dyma gadowaty.