Z Janšojc/Jänschwalde. Źiśi źiśownje „Lutki“ su byli wjelgin pjeršate. Wjele tyźenjow jo kupka „Liški“ zwucowała spiw „Tśmjelojc Hana“. Pak ako spiw za blidom prědk wobjeda, pak ako spiw pśi graśu. Zas a zas su to spiwali. K tomu su se gibali ako tśmjele, na pśikład su machali z kśidłami. Wósebnje gjarda jo była Dinah, kótaraž jo mógała prědnu štucku sama bźez pomocy spiwaś. Dinah a wše druge źiśi su se wjelgin wjaselili na Tśmjelojc Hanu.