Kradu we pšawem casu, pśi góźbje 125. narodnego dnja Miny Witkojc, jo Ludowe nakładnistwo Domowina wudało CD z głosom jubilarki. Nagromadu 40 minutow wulicujo Mina Witkojc tšojenja ze swójogo žywjenja a pśednosujo swóje basni.
Nejstarše nagrawanje jo z lěta 1929, to jo baseń „Na wětšyk“– Mina Witkojc źěła we tom casu ako redaktorka Serbskego Casnika a jo 36 lět stara. Słowa teje basni Gaž wětšyk dujo... su dali CDeji titel. Komponist Bjarnat Krawc jo skomponěrował k basni muziku – a teke ta jo k słyšanju na CDeji.