Lětosa 31. maja buźo tomu 125 lět, až jo se naroźiła basnikarka, redaktorka Serbskego Casnika a wudawarka Serbskeje pratyje Mina Witkojc (1893–1975). Wěmy, až jo Arnošt Muka (1854–1932) jej wucył pisaś serbski a jo jej pósrědnjał znaśa wó serbskich kulturnych stawiznach. Wěmy, až jo była Witkojc Muce rěcna informantka za jogo wjeliki dolnoserbski słownik. Derje dokumentěrowany a wopisany jo teke jeje listowy kontakt z wobstarnym Matom Kosykom (1853–1940) w Americe.