Dwójorěcna gmejna Hochoza jo ze swójimi 850 wobydlarjami wusko zwězana ze serbskeju kulturu. Wó to stara se tek jeje 77lětny šołta a maminorěcny Dolnoserb Fryco Wojto. Z nim jo se Alfons Wićaz rozgranjał.
Wy sćo mjaztym južor 25 lět dłujko šołta w Hochozy. Co to za Was wóznamjenijo?
Fryco Wojto: Za mnjo jo wažne, až se ako šołta staram wó zajmy wobydlari gmejny we wšyknych wobłukach a až pśecej k dispoziciji stojm. Ako šołta dejš wšuźi pśibyłny byś.
Wy sćo roźone w Hochozy a pó-znawaśo se ako Serb, ak swóju maminu rěc wšednje nałožujo. Kak wuglěda scełego ze serbstwom we jsy?