Zmakanje pjerwjejšneje rědownje – z mólarjom

Awtor: Rosemarie Karge srjoda, 25. apryl 2018
Zmakanje pjerwjejšneje rědownje w muzeju. Foto: Rosemarie Kargowa

W janšojskem Serbsko-nimskem domowniskem muzeju su dnja 15. apryla wótwórili wustajeńcu „Błośańske wobraze“. Je jo namólował Volkmar Pfahl z Rietzneuendorfa. Wón jo roźony baršćanaŕ a jo ze starjejšyma žywy był we Janšojcach Jutšo. Tam jo 1963–1973 chójźił na wušu šulu z mjenim „Max-Malinsky“. Pśi góźbje jadnogo zmakanja rědownje w zachadnosći jo pśišła ideja, až Volkmar Pfahl ga mógał swój hobby pśedstajiś w Janšojcach.

Njeźelu, 15. apryla, jo tak daloko było we janšojskem muzeju. Teke z dalokosći jo wjele pjerwjejšnych sobuwuknikow tam dojěło, wjele su se měli wulicowaś. Tak su teke mólarja Pfahla pšašali wšake, lěc zapšawym jo južo mógał we šuli tak derje kresliś, kak móžo swóje źěła něźi wustajiś? Wužywa wón wólejowe abo akrylowe barwy? Kak dłujko trajo, nježlic jaden wobraz jo domólowany?“

Volker Pfahl jo na wšykno ze śerpnosću wótegranjał. „Talent jo se mě połožył do bujki. Głowny źěl mójich motiwow mam z interneta. Pó tom to wótmóluju. Jaden tyźeń pótrjebam za wjeliki wobraz, mój nejlubšy pśikład jo dański Peder Mork Monsted ze swójimi błośańskimi motiwami.“

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś