Gdyžlem se myslim, co by Serbski ludowy ansambel był bźeze swójeje wuwiśoweje dramaturgowki a serbskeje spisowaśelki Jěwy-Marje Čornakec? Kopica interesantnych twórbow za toś tu kulturnu instituciju ga jo z jeje pjera. Serbowka, ak jo se 1959 naroźiła a wótrosła we Wotrowje/Ostro, jo pisała pśedewšym libreto za musicale, a to nic jano za źiśi, ale rowno tak za dorosćone. Bogata jo tež jeje proza za młode a serbske cytarstwo, ak jo wujšła w Ludowem nakładnistwje Domowina. A płodne jo jeje źěło na pólu dramatiki. Źiwadłowe graśa Jěwy-Marje Čornakec, pśedstajone na jawišću Nimsko-Serbskego ludowego źiwadła Budyšyn (NSLDź), su serbski kaž nimski publikum rozpalili.

Pśez wopśimjeśowu a dramatisku napnětosć (Spannung) a z pomocu dramaturgow, režiserow a źiwadłownikow togo domu su inscenacije pśemógli pśiglědarstwo pśejmjeś.