Z Barlinja/Berlin. Wokoło 70 luźi jo se na slědnej sobośe februara zmakało w kinje „Krokodil“ na wósebne zarědowanje. Toś to kino jo specializěrowane na produkcije z Rusojskeje a pódzajtšneje Europy. Ten wjacor su na programje byli tśi serbske filmy.
K prědnemu: poetiski dokumentarny film z lěta 2013 z titelom Blaubeeren – Cerne jagody wót Maje Nageloweje a Juliusa Günzela wó zgubjenju serbskeje domownje dla brunice.
K drugemu: film Struga – wobraze krajiny, produkcija Konrada Herrmanna z lěta 1972. Jogo tema jo tejerownosći znicenje Łužyce. Tekstowa pśedłoga za tu twórbu jo był essay, kenž jo Kito Lorenc pěś lět pjerwjej spisał.