Na com jo to lažało, až wót tych 3600 wobydlarjow Žylowa su jano 63 na woklapnicu kóńc januara pśišli? Snaź se njeinteresěruju, snaź su druge tšojenja na tom wina, ak su w měsće we tom samem casu byli: měsćańska sportarska gala a balokoparski turněr.
K tomu njewobźělenju pak jo pasowało, až teke měsćańska wušyna njejo se zjawiła. Te wobydlarje, ak su pětk pśed tśimi tyźenjami weto pśišli, su zgónili interesantne fakty wót žylojskeje pśirady, wobydlarskego towaristwa, sportowego towaristwa a wót wósady.