Zachopiła jo se naša dłujka jězba w Barlinju. Pśez Lipsk, Durinsku, Bayersku a Awstrisku smy dojśpili pó něźi 1000 kilomejtarjach prědny cel – ga město Maribor w Słowjeńskej. Góźina jo wóstała za krotke pśechójźowanje pó starem měsće pśi rěce Drau a ned zajtšo pśiducy źeń jo bus nas dowjadł pśez granicu do Kroatiskeje, dlejšy cas pśi rěce Save a mimo głownego města Zagreb. Tak ako pśisamem we wšych tamnych krajach smy dejali cesto zastaś a zapłaśiś maut. Pó něźi 350 kilomejtarjach, za wětšy źěl pó płonem (flaches) kraju, smy wopušćili Kroatisku...