Z Hochoze/Drachhausen. Serbske rybakarje skjarže, až w rěce a tšugach maju mało rybow. To jo se na-spjet pokazało na głownej zgromaźinje Towaristwa serbskich rybakarjow we Złośanem plonje sobotu. We diskusiji jo šło mjazy drugim wó to, lěc dej towaristwo źěł swójogo teritoriuma w Błotach z dobreju wólu w Pódstupimje ako „zakaznju“ (how: Sperrbezirk, Schutzbezirk) pśipowěźeś. To groni: Tam njeby nicht wěcej směł daniž ryby łojś, daniž z cołnom jězdźiś daniž se howacej wobźaržowaś. To by rybam wjelgin góźeło, pśeto tam by wóni namakali trjebny měr k mjerkanju a rozpłoźowanju.