„Mólarje picańskich stronow“ su srjejź decembera pśepšosyli źiśi z mósćańskeje źiśownje „Im Zeichen der Linde“ do cerkwje na rozpokazowanje mólowanych bildow. Źiśi njejsu wěźeli, kake rědne a njedocakane wobraźenje na nje caka. Rozmjej: Mólarje z našych stronow su z partnarskeju gmejnu Świdnica za Zeleneju Góru w septemberu měli zgromadny plenair w Mósće na temu „Krajina se pśeměnja“ (Casnik jo pisał). A rowno we tom casu su w źiśowni swěśili kokot – a te mólarje su byli tak wjelgin pśejmjete wót togo pisanego tšojenja, až su spontanje se wótchylili wót teje prědkpisaneje temy a su mólowali lubjej źiśi we pisanej drastwje, žnjownu kronu a łapanje kokota.