SKÓRO TEŽ SERBSKE KOPARKI? Za tym, ak bu mustwo „Serbske koparje/Wendische Auswahl“ lětosa w aprylu załožone, pśemysluju něnt w Dolnej Łužycy wó tom, zestajaś take wubrane mustwo w balokopanju teke ze źowćami. Dokulaž pak młode Serbowki a Domowinarki dotychměst jano w Hochozy a Rogoznje balo kopju, buźo na zachopjeńku nejskerjej tak, až mógu pla nich teke gólcy sobu graś.DAŚ DOCH SE PALI! To su se gronili luźe na Górach. Rowno w tom casu, źož su tam kokota zabijali, jo tam wogeń se wuderił. Casnik jo to zapópadnuł, kak jo se tam mócnje kuriło. Ale tšubiło se we jsy njejo, a teke feuerwehra tam njejo jěła. Na Górach to nikogo starało njejo. To ga teke njejo žeden źiw, w tej jsy ga žednu swójsku wognjowu woboru njamaju! Snaź něnt budu taku załožyś.COŁNOWANJE NA CHÓŚEBUSKEM JAZORJE HYNAKŠE? Zagronite za nowe Chóśebuske jazoro, kenž dej nastaś w pśiducych lětach mjazy Šlichowom a Noweju Jsu, su něnto na cełem swěśe ducy. Kśě wuzgóniś, co mógali pózdźej wšykno na jazorje a kołowokoło njogo cyniś. Błotojske cołnowanje njejźo, wóda buźo pśedłymoka.