Ku komentaroju Bernda Pittkunings „Gólnikaŕ ma tšach“ „ (NC 45/2017) k artikeloju „Jelenjowa swajźba: Wjelki su jelenje pśegónjowali“ (NC 43/2017) wót Gregora Wieczoreka.

Bernd Pittkunings ma pšawje: luźe maju pśed wjele wěcami tšach, drje pśed pśewjele a teke skerjej wumyslonymi abo kradu njewěrjobnymi wěcami. Fantazija grajo pśi tom wjeliku rolu a wjelki su objekt takich fantazijow. Z bajkow jo wjelk jaden, ako tšach napórajo. To kuždy wě.

A realita? Jo taka, ako Bernd Pittkunings pišo: ten jaden wita wjelki, kótarež su jomu wužytne. To jo ten gólnikaŕ, ako jo spokojom z tym, až wjelki jomu deciměruju te sarnje, kótarež młodym bomam kradučke škódy napóraju. A jagaŕ co te wjelki wutamaś, dokulaž jomu licbu sarnjow, źiwjakow a drugich pomjeńšuju. Tak daloko mógu jomu derje slědowaś a som wobjadna.