Znajom jogo ako wjasołego, žortnego a temperamentnego muskego. Lěcrownož jo wóswěśił w aprylu swój 70. narodny źeń a jogo włose su šere, jo pó wašni wustupowanja młody wóstał. Swóju žywjeńsku wjasołosć jo Słowak Jaroslav Pukač do se nasrěbał we swójom lěta dłujkem statkowanju ako muzikaŕ a kulturnik. To muzicěrowanje a spiwanje ga stej jogo element, jogo radosć a eliksěr žywjenja.