Nowa Wjas/Neuendorf. Pitśku muse wobydlarje w Nowej Jsy pla Picnja hyšći cakaś na swóju wejsnu chroniku. W Husu a w Barbuce – tej dwě jsy ga słušatej gromaźe z Noweju Jsu do gmejny Gatojce – ga taku chroniku južo dlejšy cas maju, a togodla su se Nowsanarje žycyli teke take knigły wó historiji swójeje jsy.

Južo w lěśe 2013 su se toś dali w Nowej Jsy do źěła za taku chroniku. Wokoło 20 luźi ze jsy, z Husa, z Picnja a z města jo w slědych 4 lětach pilnje zběrało material, informacije a stare fotografije ze jsy. Wšykno to su napisali, a tak jo nastało wjele interesantnych nastawkow.