Ten kokot jo był taki pšawy serbski

Awtor: Horst Adam srjoda, 27. september 2017
Wšykne su byli na Górach dobreje a wjasołeje mysli. Swěśiś kokot – to ga kuždy źeń njejo. Fośe: Horst Adam

Cas lětosnych kokotow jo zasej mimo. Slědny tyźeń sobotu jo se wón ze superkokotom w Běłej Górje zakóńcył. Do togo su wót julija do septembra we wušej 30 jsach ten serbski nałog swěśili. Ten slědny jo był na Górach. Casnik jo był pódla.

Pśi zabijanju kokota se do kokota (rozmjej: gjarnca) jano njebijo, ale žywy kokot dej byś na kóńcu teke łapjony. To jo było teke na Górach tak, a dokulaž jo to była napšawdu luštna wěc, comy to ned ako prědne wopisaś. Ceły cas jo ten kokot sejźeł měrnje w klětce. A k tomu dej se groniś, až jo to było jadno wósebne rědne a lube zwěrje. Jo měł na głowje cerwjeny grebjeń, tej noze stej byłej tšochu do modrego a howacej su byli te pjera běłe. Wón jo słušał k jadnej francojskej rasy, togodla teke te tśi barwy francojskeje fony. A dokulaž ma teke serbska fona te tśi barwy (modro-cerwjeno-běłe), su gronili na Górach, až maju lětosa samo serbskego kokota! Kokošarnja (Geflügelhof) Streich z Gołkojc jo jen dariła za górjański kokot.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś