Chóśebuz/Cottbus. Lětoski 65. jubilej Dolnoserbskego gymnaziuma a 34. Schadowanka stej se sobotu z wjelikim wjaselim swěśiłej.

Južo wótpołdnja su wukniki, wucabniki – něntejšne a a něgajšne – kaž teke dalšne gósći byli kazane na šulski dwór na jubilejne zmakanje. Wóni su se mógali ze starymi šulskimi pśijaśelami a ceptarjami zmakaś a rozgranjaś, a teke se daś wjasć pó zajmnej turje pśez šulsku wjažu. Wukniki źaseteje klase su pomogali pśi zažarbowanju a wobsłužowanju gósći. Wóni su wteke šake tematiske stacije w šuli a na dwórje wobstarali: mjazy drugimn su prezentěrowali medijowu AG a šulski chor, su pokazowali šulski nałog „rozbijanje gjarnca“ (adaptacija „zabijanja kokota“) a su pśigótowali serbski test. Serbski kral a kralowka stej byłej pódla, kaž teke zastupniki serbskich koparjow z Willi Pašku, a wjele znatych woblicow a pśijaśelow serbojstwa a luźi ze serbskego žywjenja z Chóśebuza a wokolnosći.