Co maju kandidaty prědk, ako stoje na głosowańskich lisćikach dnja 24. septembera? To co Domowina do togo wuzgónjowaś a jo sformulěrowała pšašanja na kandidaty za wólby zwězkowego sejma z wólbnego wokrejsa Chóśebuz-Sprjewja-Nysa. Wótegranjaś budu na wólbnem forumje pónjeźele, 11. septembra, zeger 19:00 w Serbskem domje w Chóśebuzu.

Pšašanja se póśěguju na pódpěru politikarjow za politisku participaciju mjeńšynow we Zwězkowem parlamenśe, a lěc wóna participacija dej se za zdaśim partajow hyšći rozšyriś. Teke na EU-rowninu su mys-lili – Domowina ga pódpěrujo wobydlarsku initiatiwu Minority Safepack a co wěźeś, lěc kandidaty to teke kśě. Teke wšednjejše pšašanja su pódla – na pśikład, což pó-trjefijo pšawo na žeńskecu formu familijowych mjenjow.