20 lět łapanja kokota we Wjerbnje 12. a 13. awgusta

Awtor: Ines Neumannojc srjoda, 09. awgust 2017

Žnjowne krale 1997 su byli Mario Tropa, Andreas Schwarz (z Bobowa) a Tomas Rublak. Nagromadu jo jich było wósym rejtarjow, abo lěpjej gronjone sedym rejtarjow a jadna rejtarka: sobu rejtowała jo teke Kristin Kšamaric. Źowća, kótarež su žaby karowali, teke njejsu wšykne z Wjerbna byli. Jich kralowka jo była Ramona Grošynskojc z Bramy. Wósebna episoda jo se stała z tym, až jo Fryco Smala kokotoju głowu wótrěznuł. Pópšawem jo jano kśěł młoźinje pomagaś, dokulaž jo wiźeł, až njejsu kokota pšawje pśirězali. Ale jogo nož jo kradu wótšy był, a južo jo měł głowu w ruce... Njejo jomu nic drugego wušej wóstało, ako tu głowu zasej někak pśiwězaś. To jo se jomu teke raźiło, ale ten prědny rejtaŕ, kenž jo pótom za głowu grypsnuł, jo ju ned zasej wótrył. Toś te informacije smy namakali w NC wót 6. septembra 1997. Foto: Archiw NC

wjelikosć pisma Schriftgröße verkleinern Schrift vergrößern
śišćaś

artikel ako e-paper

artikel pógódnośiś

(0 )

Pšosym zalogujśo se, cośo-li komentar dodaś

slědk k zachopjeńku

Tel.:	+49 (0) 355 43 02 256
Fax:	+49 (0) 355 48 54 35 36
E-Mail: