Do carnicow!

Awtor: Ines Neumannojc srjoda, 19. julij 2017
Helen, Samantha a Jasmin (wótlěwa) su pśišli slědnu sobotu z nanom Jasminy a drugimi z Kalawy carnice tergat. Ako kuždy, su se nejpjerwjej najědli pśi terganju. To jo zwuraznje tam dowolony. Foto: I. Neumannojc

Něnto jo cas carnicow, to te wejsanarje derje wěźe! A zwětšego maju teke swój flak, źož kužde lěto do carnicow chójźe. Ale dajo teke takich luźi, ako njamógu wěcej w góli tak dłujko zechylone tergaś. Za nje mamy wjelgin dobru alternatiwu: We Wětošowje dajo carnicowu plantažu. Tam móžoš sam tergaś a to stojecy! A tam su samo šamliki, gaž coš se pśi tom sednuś!

Wětošowarja Ingrid a Klaus Richtaŕ (Richter) stej carnicowe kricki w lětoma 2002/2003 nasajźałej a mjaztym su wjelgin derje narosli a stoje połne płodow. Druga dobra powěsć jo, až tamne jagody njejsu droge. Gaž sam natergajoš, zapłaśiš za kilo 3,60 euro.

Pśijazny wuměnkaŕ Klaus Richtaŕ jo wob tyźeń tam wót zeger 9:30 do 12:00. Zwětšego jo tam teke na kóńcu tyźenja. W drugich casach móžośo zazwóniś, wón pśiźo rad mimo. Móžoš teke natergane carnice pla njogo kupiś za 5,00 euro. To dejśo ale doprědka lubjej skazaś pód numerom 0172-9463958 abo 035433-809740.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś