Južo kóńc maja, wokoło stupnego stwórtka, jo był w Barlinju ewangelski cerkwiny źeń. Na tom nejžwětšem zmakanju ewangelskich kśesćijanow w Nimskej jo se wobźěliło teke pór wósadow ze serbskego sedleńskego ruma. A někotare wót nich su teke gjarźe na to pokazali, až serbske su.

Na pśikład su byli žeńske z Gołbina serbske woblacone w swěźeńskej drastwje srjodu wjacor na wjacorje zmakanjow. Tam su sebje a serbsku kulturu pokazali a su nar-skim luźam rozkładli, co z tym serbskim na se ma. Wóni su byli źěl wjelike stojnice, ako su měli wót gołkojskeje wósady. Teke z Cowjego (Zaue) su tam měli stojnicu a teke tam su byli žeńske w serbskej swěźeńskej drastwje pśipódla.