Lube źiśi,

gano som wótśišćała wobraz wót „Pitiplatša“. Wjele wót Was se wjacor woglědajo program„Pěskowy mužyk“ (Sandmännchen). We tom programje jo młogi raz Pitiplatš wiźeś. Wót wšyknych póstawow jo wón Waš lubick.

Wěsćo Wy, kak stary Piti jo? Wón jo južo 55 lět! Sobotu, 17. junija jo wón swěśił swój narodny źeń. Prědny raz ga jo wustupił „Piti“ dnja 17. junija 1962. Akle wót lěta 1976 jo „Piti“ wiźeś był z pśijaśeloma „Schnatterinchen“ a „Moppi“. Zgromadnje su wóni wiźeś na wobrazu how spózy. Ten wobraz móžośo sami wumólowaś.