Chóśebuz/Cottbus. Wědomnostne towaristwo Maśica Serbska jo pětk w Serbskem domje měło głownu zgromaźinu. Dr. Hartmut Leipner jo źaržał chytšy pśednosk wót situacije serbskich kśesćijanow a serbskego cerkwinego žywjenja pó wójnje až do něnta. Wón jo wobspomnjeł paršony, ak maju zasłužbu na wótžywjenju serbskich namšow, mjazy drugim fararja Herberta Nowaka, Janojc familiju, prjatkarja Jura Frana, fararja Klausa Lischewskego a wušego promšta Reinharda Richtera. Teke nowše projekty kaž spiwarske knglicki za młoźinu, serbske namše za wukniki a wobźělenje na cerkwinych dnjach su pśišli do grona. Glědajucy na wótglědanja kněžarjow za cas DDR, kaž teke na to, což cerkwina wušyna we 50tych lětach jo měniła (rozmjej: až serbski lud njeekistěrujo a žedna pó­trjebnosć za serbske duchowne žywjenje njejo), jo serbska wósada derje rozkwitła. 2018 kśě wótnowotki wudaś serbsku bibliju!