Lětosne wuměłske wuběźowanje za WITAJ-źiśi, kótarež jo Rěcny centrum WITAJ (RCW) Chóśebuz pśewjadł, jo stojało pód temu „Ptaškowa swajźba“.
Źiśi ze źiśownjow „Tyca“ Hochoza, „M. Domaškojc“ Raduš, „Spreewaldspatzen“ Nowa Niwa, „Vier Jahreszeiten“ Strjažow, „Sonnenkäfer“ Wětošow“ a „Wila Kunterbunt“ Chóśebuz su se wobźělili z 42 jadnotliwymi a 4 kupkowymi pśinoskami. Małe wuměłce w starstwje wót 2-7 lět su mólowali a baslili ptaški, kótarež pśileśiju na swajźbu, njewjestu z mychańcom, nawóženja, kenž se pókłonijo ako teke ptaški, kótarež sejźe luštnje w ptaškowem domcyku.
Pěśgłowata jury – 3 wukniki Dolnoserbskego gymnaziuma, domownik Dolnoserbskego internata ako cesny juror a projektowa wobźěłarka K. Lehmannojc – jo k slědujucemu wuslědkoju pśišła:
Za nejlěpše jadnotliwe źěło dostanu
1. myto: dwělětny Nik, tśilětny Marwin a šesćlětny Benny ze źiśownje „Tyca“ w Hochozy,
2. myto: dwělětny Kasper, teke z Hochoskeje źiśownje, styrilětna Caroline Malikojc a pěślětna Elly Rasalic ze źiśownje „Sonnenkäfer“ we Wětošowje,