Z Drjowka/Drebkau. Jatšowna wustajeńca w Serbskej tkajarskej śpě w Drjowku jo zawěsće ta nejwětša w Łužycy a w cełej Bramborskej. Něźi 3000 pisanych jatšownych jajkow z wušej 50 krajow cełego swěta jo tam k wiźenjeju a wobźiwowanjeju. Wětšy casu źěl z nich běšo znaty serbski etnograf dr. Lotar Balko we swójom žywjenju pilnje a njewómucnje zběrał. We za tym, ak su toś tu kšasnu wustajeńcu južo wósrjejź měrca wótwórili, jo se ju južo wjele luźi zbliska a zdaloka woglědało. Wósebnje k jatšam pak buźo zasej wjeliki nawal.
Tenraz graju wupyšnjone jatšowne jajka z Hungorskeje wósebnu rolu we tej wobšyrnej wustajeńcy. Wót tych ga běšo dr. Lotar Balko we swójom casu bejnu kopicu nazběrał a wót jajkomólarkow a jajkomólarjow z togo kraja dostał.