Chóśebuz/Cottbus. Nowe graśe „Pismiki z měška“ napórajo grajarjam wjele wjasela. To su zjadnje gronili wobźělniki SerBlaBlida pśedslědnu sobotu we wjažy rěcneje šule. Na pśepšosenje organizatorki, referendarki Colett Schampatisoweje, jo pśišło tenraz 15 luźi. Dla tog, až jo jich telik było, su se musali źěliś do dweju kupkowu. K dopomnjeśu: we tom graśu dejš z pismikow na grajnej delce słowa zestajowaś. Ten princip jo znaty z lubowanego graśa „scrabble“, ak eksistěrujo we wjelich rěcach.