Pśed pór tyźenjami smy Wam pśedstajili štapc – žerź ze zelezneju kokulu, kótaruž su Błośanarje pjerwjej w zymjem pśecej sobu brali, gaž su kśěli pó loźe gnaś abo se suwaś. Taki štapc smy namakali wu Lehmannojc w Bórkowach. Ten młody góspodaŕ, serbski rybakaŕ Oliver Lehmann, pak jo nam pśi tej góźbje pokazał hyšći drugu drogotku: 100 lět stare šuflity (Schlittschuhe) abo zelezka, tak pomjenjone hollandarje. Wjelgin derje zeźaržane a wuglědujuce kaž nowe!