Wótlěwa: André Duška, Michael Mütze, Manfred Duška, Gustav Leska, Roland Andres. Wšykne su rybakarje w Kuparskich Bórkowach. 
Na 7. januarje jo se wótměła lětna głowna zgromaźina Towaristwa serbskich błośańskich rybakarjow Bórkowy a wokolina w Hochozy. Mjazy wobźělnikami jo był dr. Manfred Duška, kenž jo kradu pśed 50 lětami do Towaristwa pśistupił a jo wót togo casa zwěrny a angažěrowany cłonk.
Henriette Dušcyc, jogo enkelźowka a wuknica Dolnoserbskego gymnaziuma, jo se z nim rozgranjała wó zachadnych lětach.
Nowy Casnik: Kněz Duška, móžośo se pšosym pśedstajiś?
Manfred Duška: Mě gronje Manfred Duška, som 76 lět stary a som był wušej 40 lět gójc w Bórkowach.
Cogodla sćo pśistupili pśed 50 lětami do Towaristwa serbskich błośańskich rybakarjow Bórkowy a wokolina?
