Slědny tyźeń smy pisali wót zmakanja z Pójsynogu na Górach: tam jo šło wó fararja Herberta Cernju. Jogo mě namakajomy teke w Nowem biografiskem słowniku (LND, 1984), źož pak pišo se wóno Cerna, nic Cernja. Hejgen tak stoj wóno w Serbskej pratyji 2017 a w Nowych Casnikach (zachopjecy wót lěta 1960) a nejskerjej wšyknych nowych publikacijach.
How jo pótłusnjony problem, kótaryž cesto pśewóźujo kuždego casnikarja (a zapšawom kuždego pisarja a powědarja): kak zně a kak deje se zapšawom pisaś serbske familijowe mjenja, wósebnje znatych paršonow serbskego žywjenja?