Miłoraz/Mühlrose. Kradu pśed 50 lětami su dla wugloweje jamy pśepołožyli miłoraski kjarchob na nowe město. Sobotu tyźeń su na nowem kjarchobje spominali na ten cas. Wóne spominańske wótpołdnjo z nabóžninu jo wugótowała fararka Jadwiga Malinkowa, pśewoźował ju jo pozawnowy chor slěpjańskeje cerkwje. „Dla wótwórjenja wochožańskeje jamy jo było trjeba, kjarchob na nowe město pśepołožyś. To jo se stało w lětach 1964–66. We lěśe 1966 jo wordował kamjeń stajony, ak na to tšojenje dopomina. Źinsa spominamy prědny raz gromaźe na njo pó tom dłujkem casu. Pśi tej góźbje jo gmejna to napismo wótnowiła“, jo gronił Waldemar Locke z gmejnskeje rady.