To jo kužde lěto to same. A wu-wześnje njejo tema togo komentara jatšy, gódy abo aktualna klawzurna faza w šuli. Powědam wó Schadowance. Njejsy nigdy słyšał? Schadowanka jo swěźeń na Dolnoserbskem gymnaziumje a zarědowanje dajo kuždemu – wšojadno, lěc jo aktualny wuknik, negajšny wuknik abo jano swěźeński sćerb – móžnosć, stare wukniki a wucabniki zasej wiźeś. Schadowanka jo lětosa južo na 26. nowembrje a gaž som spšawny, njamóžom rozměś, kak wukniki abo wucabniki Dolnoserbskego gymnaziuma njamógu na Schadowance se wobźěliś abo, hyšći špatnjej, projekt šulskego swěźenja kritizěruju.

Ako prědny se wjaseli kuždy, gaž móžo stare pśijaśele zasej wiźeś. Wósebnje, gaž se njewiźe někotare luźe lěta dłujko, na pśikład tegdejše rědowniske towariše ze šule.

A zasej w šulskem twarjenju byś jo teke wjelicna wěc. Dokulaž pón se cujoš hyšći raz pitśku ako młody wuknik. A gaž sy spšawny, jo šulski cas njelěpšy cas w žywjenju był.