Sobotu, 19.11.2016, zeger 13:30, w telewiziji rbb

Christian Matthée pśewóźujo nowu zagronitu za nastupnosći Serbow w Bramborskej na jeje prědnem woglěźe w Chóśebuzu. Ulrike Gutheil jo pśewzeła amt wót Martina Gorholta a se něnto zaźěłujo.

Dalšne temy magacina:

– Filmy wót łužyskich awtorow – filmy wó Łužycy – filmy z Łužyce: Wóni su južo lěta dłujko kšuty wobstatk chóśebuskego filmowego festiwala. W sekciji „domownja“ su k wiźenju. Zgónijośo, kake filmy su lětosa tam pokazali.

– Wideo wuknikow na filmowem festiwalu: „Jo to dosć?“ Wukniki 12. rědownje Dolnoserbskego gymnaziuma su se zaběrali z pśichodom serbskego luda a pśi tom pytali za móžnosćami zjadnośiś tradicije a póstup. Z pomocu rbb jo nastało muzikowe wideo, kótarež jo se pokazało na filmowem festiwalu w Chóśebuzu. „Łužyca“ pśedstajijo wideo prědny raz w telewiziji.