Stwórtk, 27.oktobra su se cłonki Spěchowańskego towaristwa „Stog“ z. T. zmakali. Towaristwo wudawa domowniski lětopis „Stog – Der Schober“. Na tej zgromaźinje jo pśedsedaŕ Rolf Radochla-Rubyński powědał wó dobrej bilancy slědnych lět, luźe su se „Stog“ w rědnej licbje kupili. Aktualne wudaśe (za lěto 2017) jo teke popularne. Mjaztym ma ten domowniski lětopis kopicu stawnych cytarjow. K nim słuša teke rěd „wuwandrowanych“ błośanarjow. Až financny zakład jo solidny, jo pókładnica Erna Koppermannowa z Gór wulicowała. Rozmjej: towaristwo ma wšake sponsory w našych stronach. Togodla mógu „Stog“ nadalej za 6 € pśedawaś, lěcrownož wopśimjejo mjaztym wěcej bokow.