Rowno/Rohne. Na Njepilic dwórje su njeźelu swěśili kjarmušu. Kjarmuša jo w tej jsy pśecej na njeźeli pó dnju swěteje Woršule (Ursula), kótaryž jo na 21. oktoberje. Njeźelu zajtšo jo było k tomu namša w Slěpjańskej cerkwi z Bóžym blidom. Wót zeger 15:00 su pšosyli na kafejpiśe a dujarsku muziku na Njepilic dwór. Za to su pótrjebali kopicu tykańcow. Je su źeń do togo wupjakli. Nowy Casnik jo pódla był se wšo woglědał.