Janšojce/Jänschwalde. W Janšojcach źo to swěśenje we jadnom dalej. Krotko pó wjelikem serbskem festiwalu jo wjas dožywiła zasej wjeliku party. Tenraz su swěśili pśi tej góźbje, až serbski dušepastyŕ Ingolf Kśenka a Heide Schinowsky stej se brałej. Wobej stej južo dlejšy cas pórik a gromaźe pśeśěgnułej do Janšojc, ako jo I. Kśenka łoni tamne fararske město pśewzeł.
Heide Schinowsky jo w našych stronach znata ako angažěrowana šćitarka wobswěta a muzikarka. Wóna sejźi za stronu Zelenych w bramborskem parlamenśe w Pódstupimje.