Pśi góźbje Festiwala serbskeje kultury su w Janšojcach namšu swěśili. Kradu połny jo Bóžy dom był tu njeźelu, někak 160 namšarjow jo pśišło. Wót nich jo było jadnab 26 žeńskich a jadno źowćko w burskich drastawach. Mjazy nimi jo teke była turjańska šołtowka Karin Kalawcyna .
Namša jo była dwójorěcna, což zawěsće jo teke płaśiło za liturgiju a kjarliže na tej 13. njeźeli pó swětej Tšojosći. Wósada njejo se śěžko měła: wšak jo janšojski žeńskecy chor spiwał a kuždy jo mógł lažko sobu spiwaś. Žeńske wót chora su pśišli w serbskich drastwach – to jo było raz hynakše dožywjenje, gaž Serbowki w burskich drastwach su spiwali engelske kjarliže. Prjatkował jo serbski dušepastyŕ Ingolf Kśenka, epistolu jo pśednjasła dr. Madlena Norbergowa a ewangelium za tu njeźelu stej pśedlazowałej Reinhard Šultka z Drjejc a Ingolf Kśenka.