W Picnju buźo stwórtk, 8. septembra zejźenje „Strukturna změna we Łužycy: Wobraze pśichoda za Picnjo a wokolinu“. Pśicyna za to zejźenje jo, až Łužyca a wósebnje picańske strony stoje pśed wjelikimi wupominanjami, strukturoweje změny dla. Hyšći ga dominěruju te 9 chłoźece tormy janšojskeje milinarnje tu płoninu mjazy Picnjom a Barbukom, mjazy gatami a dańskimi łukami. Pjerwjej jo ga tam była ta „mała góla“, ale co móžo raz nastaś? Móžo to městno wórdowaś zas rědna krajina, rolnikarske a góspodarske atraktiwne?