Serbska iniciatiwa za źiśi „Stup dalej“ w Drježdźanach – daloko pšec wót Łužyce – jo pśemógła załožyś serbskorěcnu źiśownju a wusći se na zawjeźenje (górno)serbskeje wucby w šuli. Smy se rozgranjali z dr. Andreasom Kluge, pśedsedarjom iniciatiwy.

Nowy Casnik: Pśi góźbje klawsury iniciatiwy za Serbski sejm w juniju sćo Wy pśipódla w diskusiji zaspomnjeli, až to zapśimjeśe serbski sedleński rum jo za Wašym zdaśim za Serby diskriminěrujuce. W Bramborskej su pilnowanja wó powětšenje serbskego sedleńskego ruma aktuelna tema. Wjele mócow ga su serbske zastupniki, – Serbska rada a Domowina –, za njo nałožyli. Z Wašogo grona pak som ja wurozměł, až Wy – ako serbski procowaŕ w Drježdźanach – stajaśo relewancu „sedleńskego ruma“ do pšašanja...