Něnto jo kóńc šulskego lěta. Za młogego jo to teke kóńc šulskego žywjenja. Co cynje młode Łužycanarje pótom? Někotare študěruju abo du na wukubłanje. Dalšne se woglědaju nejžpjerwjej swět. Cytajśo sami wót Cindy z Barbuka, ako jo wjele mjasecow pó abiturje póbyła na drugem kóńcu swěta. Z njeju jo se rozgranjała Stefanie Krawcojc.

Nowy Casnik: Ty sy pó abiturje póbyła dlejšy cas we wukraju. Coš nam wó tom wulicowaś?

Cindy Stubenhöferojc: Pó abiturje njejsom wěźeła, co dejm študěrowaś a kak swój pśichod wugótowaś. Togodla som se rozsuźiła, wěsty cas do cuzego kraja hyś. Ja som se rozsuźiła za Nowoseelandsku. Wótlěśeła som dnja 10. oktobra 2015, wrośiła som se w juniju 2016.

Znajoš druge luźe, kótarež su to cynili?

Ně. Zwětšego su se luźe w mójom lětniku ned dali na študium, wukubłanje abo FSJ (dobrowólne socialne lěto). Někotare su ako au pair do wukraja šli.

Cogodla sy se rozsuźiła za Nowoseelandsku? Ten kraj jo kradu daloko pšec...