Diese Seite drucken

Serbske drogotki na wjelikej płachśe

Awtor: Katalin Porackojc stwórtk, 19. nowember 2026
Wótlěwa: Julia Klingnerec, Hamze Bytyçi, Katalin Bársony a Grit Lemkowa powědaju wó mjeńšynowych seśach. Fota: K. P.

Prědny tyźeń nowembra su wšake chromy w centrumje Města módre swěśili, pśeto ta barwa jo lubowarjow kina w ramiku 36. Filmowego festiwala Chóśebuz do kinow wabiła. Zachopił jo se FFC wałtoru, 3. nowembra, ze swětocnym wótwórjenim w Statnem źiwadle, źož jo moderator Christian Matthée nimski, engelski a serbski pó programje wjadł, a skóńcył jo se festiwal njeźelu, 8. nowembra, mjazy drugim ze serbskim filmowym wjeraškom. Až do kóńca festiwala jo wušej 16.000 woglědarjow wužywało móžnosć sebje woglědaś filmy zwětšego z pódzajtšnoeuropskich krajow – nagromadu su 147 filmow z 43 produkciskich krajow pokazali. Głowne wuběźowanje jo skóńcnje rumuńska drama „You Don’t Belong Here“ dobyła. Z našogo serbskego wida jo pak sekcija, kótaraž južo wjele lět słuša ku kšutemu wobstatkoju festiwala, wažna, a to jo Heimat/Domownja/Domizna, kótaraž prezentěrujo mjeńšynowe filmy kaž teke filmy z a wó Łužycy a wót łužyskich a serbskich filmarjow.

80 lět DEFA a 75 lět Serbski institut

artikel pógódnośiś
(0 )
Pšosym zalogujśo se, cośo-li komentar dodaś