Ze Slěpego/Schleife. Bomy žywjenja, kwětki, wšakorake wužowate mustry a symbole za tšojosć (Dreifaltigkeit) wušywa Petra Nakóńcowa (Nakoinz) na wobej 1,80 mejtari dłujkej płachśe (Leinen-Tücher). „To buźo jadna twjelka, šlejfka za serbskego póbratša. Gaž jo wušywanka gótowa, pśidu na wobej kokaca hyšći wupleśone tšodlicki (geknüpfte Fransen)“, groni ta Splěpjanaŕka. Za ten projekt pśiźo něźi 350 źěłowych góźin gromadu. Jeje „sobuwójowaŕka“ Anita Maiwaldowa wušywa běłe wołmjane kolenaki (Wollstrümpfe) za družku (Brautjungfer). Irene Linemannowa zgótujo k tomu pasujuce nadšyće (Ärmelbänder) w carno-běłej wušywance. Wšykne te źěle su nadawk za nowu trajnu wustajeńcu w serbskem forumje wědy, kótaryž nastanjo na Lawskem arealu w Budyšynje. Wuźěłanje koncepcije pśez Serbski muzej jo w połnem źěle. Za tu wustajeńcu se teke šyju drastwy družkow wšakorakich regionow. Kružk slěpjańskich wušywaŕkow k tomu pśinosujo.