Z Pódstupima/Potsdam. Tyźeń wałtoru su zagronite za serbske nastupnosći krajowu Bramborska a Sakska kaž Domowina wobeju krajowu pśesegajucu wuměnu pókšacowali. W srjejźišću su stojali wukubłanje serbskich wucecych na BTU w Złem Komorowje, dalšne zawězki pó europskej rěcnej charśe a spěchowanje serbskeju rěcowu w digitalnem zastojnstwje.

Pśi wuzwólenju jadnogo KI-asistenta za krajne zastojnstwo jo dolnoserbska rěc za Bramborsku jaden kriterium. We tom zwisku stej Bramborska a Sakska wó tom powědałej, kak jo móžno datowu bazu serbskego online-pśełožowarja sotra – glědajucy na dolnoserbski źěl, kenž źěła tuchylu na zakłaźe 270.000 bilingualnych sadowych pórow – rozšyrjaś. Jadna se pśedewšym wó teksty ze zastojnstwa, pśi kótarychž su pšawniske pšašanja kompleksne.