Małe zwěrje, zwětšego cerwjene, flawšowaty wogon, skoka wót boma k bomoju a zabydnjo, źo jo swój futer zagrěbał. Chto ga móžo to byś? Se wě, jo to njewjericka! Se zda, až toś ten mały gryzaŕ (Nagetier) słuša k nejwěcej wobluwanym wobydlarjam našych zagrodow. A to se teke pokažo pśi wuzwólowanju zagrodowego zwěrjeta 2026, organizěrowane wót Załožby Heinz Sielmann. Z toś tym južo 16 lět starym wuběźowanim pokažo ta organizacija na ekologiski wuznam pśiroźe blišych zagrodow. Pśi online-wótgłosowanju jo se wokoło 4.400 luźi wót 13.000 lubowarjow pśirody rozsuźiło za njewjericku a to k drugemu razoju. Južo w lěśe 2011 jo wóna wótgłosowanje Załožby Heinza Sielmanna dobyła. Dogromady 34 procentow jo dobyśaŕ dostał. Kontrahenty su byli mjazy drugim módra sykorka, slěpica (Blindschleiche) a druge.