Ze Tšupca/Straupitz. W Nowem Casniku wót 8. oktobra sćo namakali na 11. boce pśinosk Petera Beckera, kenž jo informěrował wó z nowymi info-toflami wugótowanej pśirodowědnej sćažce pśi Tšupcu, kótaraž wjeźo pó tak pomjenjonej „Bytni“ („Byttna“). Toś ta Bytna jo znata za wjele kšasnych starych dubow, na kótarychž zajmne stawizny wise. Sćažka dej se 31. oktobra wót zeger 14:00 wuswěśiś.

Artikel jo se teke pśiwobrośił póchadoju togo stroninego mjenja: „Über den Namen ist bekannt, dass er wendischen Ursprungs ist und etwa für „Schlachtfeld“ steht (niedersorbisch„bitwa“ bedeutet „Schlacht“). Doch welche kriegerischen Auseinandersetzungen es an dem Ort je gab, ist nicht überliefert.“