Z Města/Cottbus. Stwórtk tyźeń jo zasej wósebny wjerašk na dwórje Dolnoserbskego gymnaziuma se swěśił – zabijanje kokota. „Za nas kokot jo wjelicny nałog. A smy wjelgin gjarde, až smějomy toś tu tradiciju woplěwaś“ – to stej wuzwignułej Paul a Luisa ze 10. lětnika. Wónej stej se z póstrownymi słowami na wuknikow, ceptarjow, starjejšych a tych wjele dalšnych gósći wobrośiłej. Jo ta ga zasej 10. lětnik, se wě, kenž zabijanje kokota pśewjeźo. 14 pórikow jo se wobźěliło. Źowća su nosyli rědne serbske drastwy ze žyźanymi šorcami. Antje Lejnickowa jo je kradosćiwje woblekała. Za to jo se jej wugronił luby źěk, ale teke dalšnym...

..., kótarež su pśewjeźenje kokota zmóžnili. A toś stej se ako prědnej naspomnjełej ceptaŕce Dietlind Lütkowa a Birgit Panajcowa, kótarejž stej głownu organizaciju kokota na starosći měłej. Teke ceptaŕce Nicole Bäckerowa, kótaraž jo z wuknikami a wuknicami pilnje nazwucowała reje a wótběgi, płaśi źěk.