Z Města/Cottbus. „To jo se wopokazało ako konstruktiwna runda a ja se pśecej zasej wjaselim, how pśiś“, jo gronił Tomaš Kreibich-Nawka, intendant Serbskego ludowego ansambla (SLA) Budyšyn, kenž jo pětk, 25. septembra, gromaźe ze swójim za Dolnu Łužycu zagronitym sobuźěłaśerjom Christoph Jäger do klubownje Serbskego doma Chóśebuz pšosył, aby wó grajnej dobje 2026/27 informěrowałej. Až dajo taki termin raz wob lěto teke w Chóśebuzu, to jo se tak w slědnych lětach etablěrowało a se pówitajo wót wšych bokow. Na ten termin pśichwatali su zastupniki a zastupnice serbskich medijow a Załožby za serbski lud, mimo togo serbska zagronita wokrejsa Sprjewja-Nysa Romy Ruffowa, serbska zagronita za Chóśebuz Anna Kosacojc-Koselowa a luźe ze zjawnego kulturnego žywjenja.