Z Dolneje Łužyce/Niederlausitz. Domowina w Dolnej Łužycy jo 80 lět stara. Sam som 51 lět jeje cłonk, mjaztym južo bejnych lět w měsćańskej kupce a mimo togo we wšakich towaristwach, kenž našomu kšywowemu zwězkoju zasej z casa pó pśewrośenju pśisłušaju. Swěśimy wušej togo dalšny jubileum, ga 75-lětne wobstaśe župy ako regionalny zwězk w Chóśebuzu.

Slědny tyźeń, w prědnem źělu serije, jo se glědało na te wuwiśa wót februara 1946 až do lěta 1955. Ako jadna zawina, dla cogo jo take mócne wuwiśe do pśewrośenja 1989/90 móžno było, jo se pokazało na to, až jo se Domowinje raźiło, nic jano Serby, ale teke Nimce za serbske nastupnosći zajmowaś a sensibilizěrowaś. A pśez to, což jo dojśpiła, jo Domowina teke dopokazała, až jo pśi zwopšawdnjenju narodneje rownopšawnosći Serbow notna.

Zasajźenje za rownopšawnosć Serbow