Z Wětošowa/Vetschau. 40 namšaŕkow a namšarjow z Barlinja, Lubnjowa, Chóśebuza a se wě z Wětošowa a wokoliny jo pśichwatało na serbsko-nimsku namšu 13. septembra ku dnju wótwórjonego pomnika do wětošojskeje serbsko-nimskeje dwójneje cerkwje. Liturgiju swěśił a prjatkował jo faraŕ Tobias Pawoł Jachmann z Baršća a dr. Madlena Norberg jo cytała psalm, epistolu a ewangelium. Na orgelach a saksofonje stej grałej bratša Andreas a Hans-Martin Passauer. Wšykno organizěrował a sobu cytał zapšosby jo zwěrny wětošojski bratš Hartmut Bott. A žeńske Spěchowańskego towaristwa serbsko-nimskeje dwójneje cerkwje Wětošow z.t. su gósći zasej derje zastarali z tykańcom a skibkami.